Upplýsingar um framboð borist frá 63 sveitarfélögum

9.5.2006

Á kosningavef félagsmálaráðuneytisins má nú nálgast upplýsingar um framboð í 63 sveitarfélögum. Af þeim sveitarfélögum sem hafa sent ráðuneytinu upplýsingar er ljóst að í 46 tilvikum hafa komið fram fleiri en einn listi og mun því hlutfallskosning fara fram. Í 15 sveitarfélögum kom enginn listi fram og verður kosning því óbundin í þeim sveitarfélögum. Í tveimur sveitarfélögum kom aðeins fram einn listi og er því sjálfkjörið í þeim sveitarfélögum, en það eru Breiðdalshreppur og Tjörneshreppur.  

Vonir standa til þess að upplýsingar um framboð í öllum sveitarfélögum verði aðgengilegar á næstu dögum.