Fréttir og tilkynningar
Rúmlega eitt prósent kjörgengra einstaklinga á framboðslistum
Á kosningavef félagsmálaráðuneytisins, www.kosningar.is , eru nú aðgengilegar upplýsingar um framboð í sveitarstjórnarkosningum sem fram fara 27. maí næstkomandi.
Framboðslistar komu fram í 60 sveitarfélögum, en óbundin kosning mun fara fram í 19 sveitarfélögum þar sem engir listar eru boðnir fram.
Í Breiðdalshreppi og Tjörneshreppi kom aðeins fram einn listi og er því sjálfkjörið í þeim sveitarfélögum.
Alls eru 170 listar í framboði til sveitarstjórna í þeim 58 sveitarfélögum þar sem listakosning fer fram þann 27. maí. Á þeim listum eru 2.675 einstaklingar í framboði, sem eru 1,2% kjörgengra einstaklinga í landinu.
Í eftirtöldum sveitarfélögum mun fara fram óbundin kosning þann 27. maí. Í þeim sveitarfélögum eru í raun allir kjósendur í framboði, aðrir en þeir sem hafa skorast undan endurkjöri skv. heimild í 18. gr. laga um kosningar til sveitarstjórna.Því má ljóst vera að verulegur hluti kjörgengra einstaklinga í landinu er í framboði til sveitarstjórna.
- Skorradalshreppur
- Helgafellssveit
- Eyja- og Miklaholtshreppur
- Reykhólahreppur
- Súðavíkurhreppur
- Árneshreppur
- Kaldrananeshreppur
- Skagabyggð
- Akrahreppur
- Grímseyjarhreppur
- Hörgárbyggð
- Svalbarðsstrandarhreppur
- Grýtubakkahreppur
- Skútustaðahreppur
- Svalbarðshreppur
Nánari upplýsingar um framboðslista í sveitarfélögum má finna á www.kosningar.is
