Aldur frambjóðenda í sveitarstjórnarkosningum 27. maí

18.5.2006

Meðalaldur fulltrúa á framboðslistum í sveitarstjórnarkosningunum í vor er 43 ár, sem er sami meðalaldur og í kosningunum 2002.

Elsti fulltrúi á framboðslista í sveitarstjórnarkosningunum í vor er Vilhjálmur Hjálmarsson, 92 ára, frá Brekku í Mjóafirði. Vilhjálmur er í 18. sæti B-lista Framsóknarmanna í Fjarðabyggð.

Tíu frambjóðendur eru 18 ára, samanborið við þrjá í kosningunum 2002. Yngsti fulltrúi á framboðslista í sveitarstjórnarkosningunum í vor er Valgeir Pálsson Krüger nemi. Valgeir varð 18 ára þann 6. maí síðastliðinn og situr í 13. sæti á S-lista Samfylkingarinnar í Eyjafjarðarsveit.

Sá af yngstu frambjóðendunum sem á sæti efst á lista er Sædís Alda Karlsdóttir 18 ára nemi. Hún er í 8. sæti á L-lista í Grundafjarðarbæ.